Sa pagnanais at pagkamit (Entry # 12)

Lumaki ako kung saan sa tuwing umuuwi ang Mama ko galing trabaho, palagi siyang may bitbit na plastic ng mga damit. Oo, galing ukay-ukay. Dahilan sa mura ang mga mabibili doon, minsan hindi mapigil ni mama na bumili nang bumili. Tapos, naalala ko rin na isang gabi nagulat kami bakit ang laki ng bag na bitbit ni Mama. Punong puno ito ng mga damit na galing sa kanyang kaopisina. Sabi niya, hindi naman daw ito masyadong nagamit at napaglakihan na ng kanyng mga anak kaya ibinigay na lang sa amin. Nagpatuloy ang ganitong mga senaryo hanggang sa dumating ang panahon, na ang dami ko ng damit, ang dami na naming mga damit.

Minsan natanong ko kay Mama, “Ma, ang dami mo namang damit. Bakit hindi mo ipamigay yung iba?” Sabi niya, “Huwag muna. Masusuot ko pa iyan kapag pumayat na ako.”

Admit it or not, sinabi niyo rin iyan sa sarili ninyo. Maraming mga bagay na hindi natin kayang i-let go kasi sayang, baka magamit pa, may mga memories na nakakabit doon, etc.

Well, sa kaso ko naman, nagpapasalamat ako na may mga kapatid at pinsan akong kumbaga sa termino nating mga Pilipino, mga “tagapagmana”. Nakakatuwa nga na yung uniporme ko nung elementary ay nagawa pang isuot noon ng kapatid kong bunso. Gayundin ang uniporme ko nung highschool, nagawa pang maiparepair para masuot ng anak ng kaibigan ng papa ko.

Sa ganitong maliit na mga paraan, nagagawa nating maipractice ang pagkakaroon ng sustainable fashion. Malaking tulong ito ngayon lalo na’t kabi-kabila ang mga brands na nag-ooffer ng fast fashion dito sa ating bansa.

May napanood akong isang video sa facebook na patungkol sa isang couturier na dahil sa napagod o nagsawa na siya sa paggawa ng goowns, nagswitch siya sa paggawa ng shirts. Binuksan niya ang kanyang label na ZeroWasteDaniel o zwd. Ang maganda sa brand na ito, hindi sila gumagamit ng mga bagong fabrics. Kumukuha sila ng mga retaso o natirang mga fabrics mula sa factories at pinagtatagpi-tagpi ito hanggang sa makabuo ng panibagong damit.

ZWD_1 (595 of 1144).jpg
Mula sa http://www.zerowastedaniel.com

 

Bilang isang aspiring clothing technologist, ninanais ko rin magkaroon ng ambag sa pagpapalaganap ng sustainable fashion dito sa ating bansa sapagkat mahalaga na ang bawat isang mamamayan ay magkaroon  ng kaalaman ukol dito. Ipinapangako ko na gagamitin ko ang lahat ng kaalaman at kasanayan na aking natutunan at matututunan upang makamit ang mithiiin kong ito. Alam kong hindi magiging madali, pero snaniniwala ako na “Mas mahirap makamtin, mas worth it”.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s